راز پڑھنے کے لئے کلک کریں

مرد کو جانور بنانے کا معمہ حل ہو گیا

16 اپریل 2014 (20:16)

لندن (نیوز رپورٹ) چند روز قبل لندن کی ایک سڑک پر آدمی کے گلے میں پٹا ڈال کر کھینچنے والی عورت کی تصویر نے انٹرنیٹ کی دنیا میں کھلبلی مچادی تھی۔ ان تصاویر کے بارے میں طرح طرح کی قیاس آرائیاں کی جارہی تھیں۔ چند لوگوں کا خیال تھا کہ یہ کسی تشہیری مہم کا حصہ ہے جبکہ ایسے لوگ بھی تھے جو اسے عورت کی جانب سے اس مرد کو دی جانے والی سزا قرار دے رہے تھے۔ اب یہ عورت منظر عام پر آگئی ہے اور اس نے اپنا نام ”ایڈن اویتال الیگزینڈر“ بتایا ہے۔ برطانوی اخبار ”دی انڈیپنڈنٹ“ سے گفتگو کرتے ہوئے اس کا کہنا ہے کہ یہ مناظر ایک اداکاری کے پراجیکٹ کا حصہ تھے اور ان میں موجود آدمی اس پراجیکٹ کا ڈائریکٹر ہے۔ اس کا مقصد لوگوں کا ردعمل جانچنا تھا اور اسی مقصد کے لئے ایک کیمرہ بھی نصب کیا گیا تھا۔ اس خاتون نے جو کافی کا کپ اٹھایا ہوا تھا اس میں بھی محض گرم پانی ہی تھا۔ اس خاتون نے ڈائریکٹر کا نام یا پراجیکٹ کی مزید تفصیلات نہیں بتائیں لیکن اس کا کہنا تھا کہ ان کا مقصد کچھ الگ کرکے دکھانا تھا اور اسے اس کام کا حصہ ہونے پر فخر ہے۔